கட்டுரை

கணினி மொழிகளின் தந்தை டென்னிஸ் ரிச்சி மறைவு…

கடந்த ஒரு வாரமாக ஆப்பிள் நிறுவனர் ஸ்டீவ் ஜாப்ஸின் மறைவு குறித்தே உலக ஊடகங்களெல்லாம் கண்ணீர் விட்டுக்கொண்டிருக்க, மற்றுமொரு மனிதரின் மறைவு மறைக்கப்பட்டேவிட்டது. அவர்தான் ‘டென்னிஸ் ரிச்சி’. ஹார்வார்ட் பல்கலைக்கழகத்தில் பட்டப்படிப்பை முடித்து,  தொலைபேசியைக்கண்டுபிடித்த அலக்சாண்டர் கிரகாம்பல் உருவாக்கிய ‘பெல் லாப்ஸ்’ என்கிற நிறுவனத்தில் வேலைக்கு சேர்ந்தார்.  அங்கு வேலைபார்த்தபோது கணினித்துறைக்காக ஏராளமான ஆய்வுகளை மேற்கொண்டு வெற்றியும் பெற்றவர்.
 

1973 ஆம் ஆண்டு வரை மெதுமெதுவாக வளர்ந்துகொண்டிருந்த கணினித்துறை, “சி” என்கிற கணினிக்கான நிரல்மொழியின் வருகைக்குப்பின்னர்தான் அதிவேக வளர்ச்சியடைந்தது எனலாம்.

அதன்பின்னர் எண்ணற்ற கணினி மொழிகள் உருவாகியிருந்தாலும், அவற்றுக்கெல்லாம் தலையாய கணினி மொழியாக இன்றும் “சி” மொழி விளங்குவதற்குக்காரணம் அம்மொழியின் வலிமைதான். அதனாலேயே கணினி வன்பொருட்களை (ஹார்ட் டிஸ்க், மெமரி, சி.பி.யூ. இன்ன பிற) இயக்கும்  விண்டோஸ், யுனிக்ஸ் போன்ற இயக்கமுறைகளையும் “சி” மொழியில்தான் உருவாக்கியிருக்கிறார்கள். இப்படியான சிறப்புகளைப் பெற்ற “சி” மொழியினை உருவாக்கியவர் டென்னிஸ் ரிச்சிதான்.

இன்றைக்கு மிக சிறப்பாக செயல்பட்டுக்கொண்டிருக்கிற லினக்ஸ் இயக்கமுறையின் (ஆபெரடிங் சிஸ்டம்) ஆதியான யுனிக்ஸ் இயக்கமுறையினையும் கென் தாம்சனுடன் இணைந்து உருவாக்கியர் டென்னிஸ் ரிச்சி. யுனிக்சை உருவாக்கியவராக இருப்பினும், கட்டற்ற மென்பொருள் (Free Software) உருவாக்கத்தில் அவர் பெரும்பங்கு வகிக்கவில்லை. தன்னுடைய ஒரு நேர்காணலில், லினக்சை தான் பயன்படுத்தியதே இல்லை என்றும் அவர் சொல்லியிருக்கிறார். கட்டற்ற மென்பொருள் உருவாக்கத்திலிருந்து விலகியே இருந்திருக்கிறார் என்பது வருந்தத்தக்க வரலாறுதான்.

அவரது சாதனைகளைப்பாராட்டி கணிணித்துறையின் நோபல் பரிசு என்றழைக்கப்படும் ட்யூரிங் விருது 1983 இல் அவருக்கு வழங்கப்பட்டது.

கடந்த 8 ஆம் தேதி உடல்நலக்குறைவு காரணமாக தன்னுடைய 70 ஆவது வயதில் காலமானார் ரிச்சி.

மென்பொருள் வியாபாரிகளான பில் கேட்ஸ், ஸ்டீவ் ஜாப்ஸ் போன்றோரை தூக்கிவைத்துக்கொண்டாடும் நாம், டென்னிஸ் ரிச்சியைப்போன்ற உண்மையான அறிவியலாளர்களை நினைவுகூராமல் விடுவது சரியாகாது.

1 thought on “கணினி மொழிகளின் தந்தை டென்னிஸ் ரிச்சி மறைவு…”

  1. //மென்பொருள் வியாபாரிகளான பில் கேட்ஸ், ஸ்டீவ் ஜாப்ஸ் போன்றோரை தூக்கிவைத்துக்கொண்டாடும் நாம், டென்னிஸ் ரிச்சியைப்போன்ற உண்மையான அறிவியலாளர்களை நினைவுகூராமல் விடுவது சரியாகாது.//You have the reason for your stated problem in itself. Gates, Jobs are all Businessmen who were also techies while Dennis Ritchie was just a techie, not a businessman.RIP Ritchie.

Leave a Reply to Anonymous Cancel reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s